I'm available for business trips to other cities for projects lasting a month or longer.

Tədbirlər

AZ

Biz kukilərdən istifadə edirik və bu, problem deyil.

Seçimləriniz sizin məsuliyyətinizdədir

Burada sizin haqqınızda nə bilə biləcəyimizə siz qərar verirsiniz. İstənilən vaxt — mühakimə və təzyiq olmadan — kukiləri aktivləşdirin və ya deaktiv edin.

Görüş üçün məkan yaratmaq...

Bakıda geştalt-terapiya mərkəzi

Geştalt-terapiya üzrə baza təhsili (I və II pillə)

Proqram Avropa psixoterapevt təşkilatları tərəfindən müəyyən edilmiş meyarlara uyğundur, EAGT tərəfindən təsdiq olunub

Sürüşdürün

I pillə

Kontaktdan əvvəlki qarşılıqlı əlaqə

Psixoterapiya və təlim strukturuna həsr olunan giriş xarakterli beş modul

II pillə

Şəxsi təcrübədən peşəkar yanaşmaya

408 təlim saatı ərzində geştalt-terapiyanın əsas anlayışlarını təcrübə əsasında öyrənəcəyik

proqramın strukturu

Geştalt-terapiyada Self nəzəriyyəsi və “Sahə nəzəriyyəsinin” mühüm tərəfinə həsr olunan 17 modul

I pillə

II pillə

İlk təlim modulumuz xüsusi hazırlanmış məşğələlər vasitəsilə dinləmə bacarıqlarının məşq etdirilməsini nəzərdə tutur. Bu prosesdə başqalarına necə təsir etdiyimizi və onların bizə necə təsir etdiyini, eləcə də başqa bir insanla qurulan təmasın bizdə hansı izlər qoyduğunu öyrənəcəyik. Aparıcı təlimçi cütlüklər şəklində keçirilən görüşlər əsasında qrupa aidolma hissini yaratmağa kömək edəcək.

Açar anlayışlar

dinləmə
təsir
qrup
təmas
aidiyyət

1 modul

Başqaları ilə tanış olur, onlarla münasibət qurur və tədricən qrup formalaşır

Həssaslıq – özünü hissiyatlı və ya qarşısındakının halı ilə toxunulmuş hiss etməyə imkan verən keyfiyyətdir. Lakin çox vaxt incidilməkdən qorxduğumuz üçün həssaslığımızı göstərməkdən çəkinirik. Həssaslığı zəifliklə səhv salırıq. Başqaları ilə vizual və sakit kontakt zamanı bədən və duyğularla işləyərkən mən özümü və başqalarını kəşf edirəm. Bu modulda diqqətli dinləmə və fərqinə varma prosesi üzərində işləyəcəyik. Qrupu yaratmağa davam edəcəyik.

Açar anlayışlar

həssaslıq
bədən
kəşf
fərqinə
varma

2 modul

Həssaslığın ifadəsi və qəbul edilməsi

Bu modulda biz müxtəlif materiallar (gil, boya, kollaj və s.) və ifadə vasitələri ilə (səs, mimika, teatr və s.) işləyəcəyik. Onların vasitəsilə kreativliyimizi, daxili maneələrimizi yenidən kəşf edəcək və onları yaradıcı məşğələlərin vasitəsilə araşdıracağıq. Yaradıcılıq vasitəsilə özünüifadənin terapevtik effektini öz təcrübəmizdə duyacaq, terapiyada iş üçün faydalı olan terapevtik alətlərdən istifadə etməyi öyrənəcəyik.

Açar anlayışlar

bədii vasitəçilər
oyun
yaradıcılıq
yenilik

3 modul

Kreativliklə iş

Bu modulda müəyyən sosial dəyərlərin qarşılıqlı münasibətlərimizə təsiri araşdıralacaq. Təlim müddətində “Karpman üçbucağı” və tranzakt analizin bəzi elementləri üzərində həm praktiki, həm də nəzəri iş aparılacaq. “Qurban-xilaskar-təqibedən” dinamikası və bu rolların terapiyada istifadəsi nəzərdən keçiriləcək.

Açar anlayışlar

iqtidar oyunları
rollar
potensial

4 modul

Münasibətlərin sosial amillləri

Bilirik ki, böyüdüyümüz mühit birbaşa olaraq şəxsiyyətimizə təsir edir. Həyatımızın ilk illəri özümüzü dərk etməyimizdə, dünyaya baxışımızın formalaşmasında həlledici rol oynayır. Bu modulda nəzəri və praktik olaraq, valideyn ailəmizi tədqiq edəcək, bu sistemdə aldığımız hansı dərslərin psixoterapevt peşəsi üçün uyğun, hansılarının isə uyğun olmadığını müəyyənləşdirəcəyik. Biz genoqram və digər alətlərlə işləyərək sistemli yanaşma prinsiplərinə söykənəcək və onlardan tədqiqat və özünüdərk vasitəsi kimi istifadə edəcəyik. Bu modul özünü şəxsiyyət və terapevt kimi daha dərindən anlamağa yönəlib.

Açar anlayışlar

ailə
mənşə
sistemli yanaşma
genoqram
ailə rolları

5 modul

Valideyn ailəsi və terapevt olmaq arzusu

“Fərqinə varmaq” geştalt-terapiyanın əsas anlayışıdır. Bu, bizdə baş verənlərin fərqinə varmaqdır; başqaları ilə qurduğumuz münasibətlər sayəsində həyatdakı mövqeyimizi yeni perspektivdən görmək və hiss etməkdir. Fərqinə varmaq sayəsində baş vermiş, ya baş verəni yeni baxış bucağından görürük və nəsə dəyişməyə başlayır. Bu modulda onu öz təcrübəmizə inteqrasiya etmək üçün “fərqinə varmaq” anlayışı ilə tanış olacağıq.

Açar anlayışlar

fərqinə varmaq
şüur
inteqrasiya
orqanizm-ətraf mühitin sahəsi

6 modul

Fərqinə varma və digər əsas nəzəri konsepsiyalar

Self nəzəriyyəsinə giriş modulunda onun struktur ölçülərini, yəni funksiyalarını nəzərdən keçirəcəyik: Personality funksiyası, Id funksiyası və Ego funksiyası. “Sahə nəzəriyyəsi”nə uyğun olaraq, Self-ə fərdlə eyniləşən varlıq kimi deyil, özünə orqanizm, onun mühiti və onlar arasında dinamik münasibətləri əks etdirən sahə funksiyası kimi yanaşacağıq. Öz təcrübəmiz və refleksiya əsasında geştalt-terapiya nəzəriyyəsinin əsas konsepsiyaları ilə işləyəcəyik.

Açar anlayışlar

orqanizmik özünütənzim
dominantlıq
yaradıcı uyğunlaşma
orqanizm/mühit sahəsi anlayışı

7 modul

Self nəzəriyyəsi: Self funksiyaları

Self mövzusuna həsr olunmuş ikinci modul həm konseptual baxışımızın, həm də psixoterapevtik praktikamızın əsasını təşkil edən bu nəzəriyyəyə dair anlayışımızı daha da dərinləşdirir. Biz Self-i intensivliyini dəyişən və zamanda cərəyan edən proses kimi nəzərdən keçirəcəyik. Söhbət dörd fazadan ibarət kontakt prosesindən gedəcək (kontaktdan əvvəlki, kontakt, yekun kontakt və kontaktdan sonrakı faza). Həmçinin bu konsepsiyaların klinik praktikada tətbiqini görəcəyik.

Açar anlayışlar

təmas
yaradıcı adaptasiya
“fiqur-fon” prosesi
emosiyalar
assimilyasiya prosesi

8 modul

Self nəzəriyyəsi: kontakt prosesi

Demək olar ki, kliyentlərlə iş zamanı (və gündəlik həyatda) “İd” ən çox nəzərdən qaçan funksiyadır. Onun fərqinə varmaq və ona yol tapmaq çətinliklə başa gəlir. Buna baxmayaraq, İd bizim emosional sferamız, impulslarımızla sıx əlaqədədir. İd (“situasiyanın İd”i) – bizi kontakta təhrik edən hərəkətverici qüvvədir.
Biz eyni zamanda mürəkkəb və sadə olan bu reallıqla həm praktik, həm də nəzəri cəhətdən işləyəcək, onun gündəlik, peşə və şəxsi həyatda nə dərəcədə vacib olduğunu görəcəyik.

Açar anlayışlar

bədən
emosiya
“situasiyanın İd”i
təmas
arzu
hərəkətverici qüvvə

9 modul

İd funksiyası

Bu modul Self-in funksiyalarından biri – Personality funksiyasına həsr olunub. Ona qısaca “Selfin verbal surəti” də demək olar. Söhbət konkret situasiyada özümüz haqqında təsəvvürlərimizdən gedir.
İdentikliyimiz və özünüqiymətləndirməmizin əsasında duran bu funksiyanın bəzi patologiyaları başa düşməkdə (habelə onların terapiyasında) necə kömək etdiyi, sahədə tənzimləyici funksiyanı necə daşıdığını öyrənəcəyik.

Açar anlayışlar

ritorik ustanovkalar
loyallıq
əxlaq
introyekt
reaktiv törəmə

10 modul

Personality funksiyası

Ego funksiyasını Personality və İd funksiyalarını uzlaşdıran interfeys funksiyası kimi anlamaq olar. Bu modulda qərar vermək, seçmək, götürmək və imtina etmək qabiliyyətimizlə işləyəcəyik. Eyni zamanda “eqo funksiyasının itirilməsi” (fərqli adlandırmalarda kontaktın pozulması mexanizmləri, müqavimət, nevrotik mexanizmlər) hallarını nəzərədən keçirəcəyik.
Həmçinin Eqo funksiyasının möhkəmləndirilməsi və aktuallaşdırılmasına yönələn geştalt-terapevtik mövqe və müdaxilələri öyrənəcəyik.

Açar anlayışlar

identifikasiya və özgələşmə
çuğlaşma (konflüensiya)
introyeksiya
proyeksiya
retrofleksiya
eqotizm

11 modul

Ego funksiyası

Geştalt-terapiyanın digər yanaşmalardan fərqli cəhəti qruplarla işdə təbiiliyi və effektivliyidir. Bu modulda psixoloji və antropoloji baxımdan insanların yaratdığı müxtəlif qrupları nəzərdən keçirəcəyik (ailə, sinif, banda, sekta, komanda, kütlə və s.).
Geştalt terapevtlərin işlədikləri qrupların fərqinə vararaq və ekoloji olaraq müşayiət etmələri üçün inkişaf etdirilməsi zəruri olan yanaşmaları tədqiq edəcəyik.

Açar anlayışlar:

qrup dinamikası
aidlik
individuallıq
liderlik üslubları
qrup terapiyası

12 modul

Qrup

Bu modulda indiyədək öyrəndiyimiz bütün konsepsiyaları təkrar nəzərdən keçirəcəyik. Yaranan sualları aydınlaşdıracaq və kliyentlərlə işimizi geştaltların formalaşması və dağılması prosesi, başqa sözlə, kliyentlərlə kontaktda fiqur və fonun rəqsi kimi nəzərdən keçirəcəyik.
İndiyədək əldə etdiyimiz terapevtik alətləri təcrübədə istifadə edəcək və təlimçinin terapevtik təcrübəsinin nümayişini canlı müşahidə edəcəyik.

Açar anlayışlar:

kontakt pilləsi
Self nəzəriyyəsi
fiqur/fon
fərqinəvarma
orqanizm/mühit sahəsi

13 modul

Geştaltların formalaşması və dağılması prosesi

Self paradiqması və sahə nəzəriyyəsi prizmasından yuxularla terapevtik iş necə həyata keçirilir? Yuxuların klinik cəhətdən araşdırılmasına həsr olunan bu modulda geştalt-terapiyanın görkəmli müəlliflərinin təklif etdiyi üslubları öyrənib yaşayacağıq.
Biz yuxularla proyeksiya kimi (F. Perlzın klassik yanaşmasına uyğun), retrofleksiya kimi (İ. Fromm üslubunda), həmçinin sahə nəzəriyyəsi və fenomenoloji yanaşmanın mövqeyindən terapevtik görüşün “burada və indi”sini nəzərə alaraq (J.-M.Robinə uyğun) işləyəcəyik.

Açar anlayışlar:

şüursuzluq
proyeksiya
retrofleksiya
fenomenologiya

14 modul

Yuxularla iş

Bu modul proqramın ilkin mərhələsində keçilmiş yaradıcılıq mövzusunun davamı və daha dərindən təhlilidir. İştirakçılar müştərilərlə iş zamanı müxtəlif bədii vasitələrdən, habelə digər texniki və praktiki imkanlardan istifadə yolları ilə tanış ola biləcəklər. Modul, geştalt-terapevtin peşəkar fəaliyyətində tətbiq etməsi üçün onun şəxsi yaradıcılıq potensialının inkişaf etdirilməsinə yönəlmişdir.

Açar anlayışlar:

incəsənət
kreativlik
yenilik
oyun
tədqiq
eksperiment

15 modul

Didaktik kreativlik

Bu modulda iştirakçılar superviziya nəzarəti ilə bir neçə terapevtik sessiya həyata keçirərək, terapevt rolunda işləmək imkanı əldə edəcəklər. Məqsəd təcrübə vasitəsilə sahə nəzəriyyəsini peşəkar psixoterapevt fəaliyyətinə getdikcə daha çox tətbiq etməkdir.

Açar anlayışlar:

fasiləsiz təcrübə
superviziya
eksperiment

16 modul

Superviziya nəzarəti ilə terapevtik iş

İkinci pillənin yekun modulunda hər bir iştirakçı həmkarları və müəllimlərə öz seçiminə əsasən nəzəri konsepsiyanı (metodoloji və ya təcrübi aspektdə) təqdim etməlidir.
Bunun üçün iştirakçı hazırladığı esseyə/hesabata istinad edəcəkdir. Bu hesabat ikinci pillənin yekun işidir və orada, əldə olunmuş nəzəri, texniki, praktik və empirik biliklər öz əksini tapmalıdır.

Açar anlayışlar:

yekun məruzə
prezentasiya
öyrənmə
təcrübə mübadiləsi

17 modul

Nəzəri konsepsiyanın prezentasiyası

Proqramın I və II pilləsinin iştirakçısı olmaq üçün

Zəruri tələblər:

Ali təhsil

Peşəkar inkişaf motivasiyası

Şəxsi terapiyaya hazırlıq (tövsiyə olunur)

Sorğu göndərin

Saytdakı ərizə formasını doldurun və ya bizimlə e-poçt vasitəsilə əlaqə saxlayın gestalttherapyeducationcenter@gmail.com

Müsahibə

İlkin müsahibədən keçin

Qeydiyyat

Təsdiq alandan sonra təhsilinizə başlayın

2026-cı il üçün qrupa qəbul başladı. Bizə qoşulmaq üçün ərizə təqdim edin.

Biz psixologiya və psixoterapiya sahəsində fəaliyyət göstərən, beynəlxalq miqyasda böyük təlim təcrübəsi olan peşəkarlar qrupuyuq

Pyer-İv Qorio

Klinik psixoloq və geştalt-psixoterapevt

Ruben Miro

Klinik psixoloq və geştalt-psixoterapevt

Kristina De la Kuadra Arasil

Klinik psixoloq və geştalt-psixoterapevt

David Piko Villa

Klinik psixoloq və geştalt-psixoterapevt

Mariya Qranero Dulse

Ümumsəhiyyə psixoloq və geştalt -psixoterapevt

Xuan Qarsiya de Rueda

Ümumsəhiyyə psixoloqu və geştalt-psixoterapevt

Çimo Tarreqa Soler

Klinik psixoloq və geştalt-psixoterapevt

Müəllim haqqında

1980-ci ildən psixoloq və psixoterapevt, 2007-ci ildən klinik psixoloq
Fransa Geştalt-terapiya İnstitutunun (IFGT) didaktiki (1998) və supervayzeri (2000)
İspan Geştalt-terapiya Assosiasiyasının (AETG) həqiqi üzvü (1997), supervayzeri (2026) və didaktiki (2016)
Avropa Psixoloji Assosiasiyalar Federasiyasının (EFPA) psixoterapiya üzrə eksperti
Self nəzəriyyəsini 1989-cu ildə İspaniyada ilk dəfə olaraq təqdim edib
Valensiya Universitetinin psixologiya fakültəsində, Distant Təhsil üzrə Milli Universitetin (UNED), Kataloniyanın Oberta Universiteti (UOC) və Valensiyanın Katolik Universitetinin təcrübə rəhbəri olub.
İspaniya, Fransa, Belçika, Latın Amerikası ölkələri, Rusiya, Ukrayna, Gürcüstan, Qazaxıstan və Azərbaycanda Self nəzəriyyəsini tədris edib
“Pasiyentin göz yaşlarından terapevtin göz yaşlarına doğru” kitabının müəllifidir

Peşə təcrübəsi

Klinik sahədə:

1982-ci ildən etibarən psixoloq və psixoterapevt işləyir (40 ildən çox təcrübə)
Fərdi və qrup terapiyası üzrə ixtisaslaşıb

Pedaqoji fəaliyyəti:

1989-cu ildə Valensiyada Geştalt-terapiya mərkəzini təsis edərək ona rəhbərlik edib
30 ildən çoxdur ki, beynəlxalq miqyasda Self nəzəriyyəsini tədris edir
İspaniyanın aparıcı universitetlərinin təcrübə rəhbəridir
9 ölkədə tədris proqramlarını həyata keçirib.

Peşəkar birliklərdə iştirak:

Geştalt-terapiya üzrə XI Beynəlxalq konqresin elmi komitəsinin üzvü (Madrid, 2009)
2008-ci ildən 2012-ci ilə qədər AEGT-nin (İspaniya Geştalt Terapiya Assosiasiyasının) İdarə heyətinin üzvü
Fransa Geştalt-Terapiya İnstitutunun (IFGT) didaktiki və supervayzeri
AEGT-nin didaktiki və supervayzeri.

Peşəkar ixtisaslaşma:

1998-ci ildən İFGT-nin Didaktik üzvü
2000-ci ildən İFGT-nin supervayzeri
1997-ci ildən AEGT-nin həqiqi üzvü
2016-cı ildən AEGT-nin supervayzeri
2016-cı ildən AEGT-nin didaktiki
EFPA-nın (Avropa Psixologiya Assosiasiyaları Federasiyasının) psixoterapiya üzrə eksperti.

Ximo Tárrega Soler

Çimo Tarreqa Soler

<- Geri

Müəllim haqqında

Psixoloq (Valensiya Universiteti, 1998)
Geştalt-psixoterapevt (Valensiya geştalt-terapiya mərkəzi, 2002)
Peşəkar fəaliyyətinin başlanğıcında sosial tədris üzrə ixtisaslaşmışdı.
2001-ci ildən uşaqlar, böyüklər, cütlüklər və qruplarla işləyərək fərdi praktik fəaliyyətini davam etdirir.
Klinik praktika və sosial iş sahəsində təcrübəyə malikdir. Valensiyanın bələdiyyə xidmətlərində gender zorakılığının qurbanı olan yetkinlik yaşına çatmayan qızlara yardım proqramında psixoloq kimi fəaliyyət göstərib (2012-2018)
Sosial risk qrupuna daxil olan və yetkinlik yaşına çatmayanlarla işləyən müxtəlif QHT-lərlə əməkdaşlıq edib.

Peşə təcrübəsi

Klinik sahədə:

2001-ci ildən şəxsi praktika
Fərdi terapiya (uşaq və böyüklərlə)
Cütlüklərlə terapiya
Qrup terapiyası
Tapiz Psicología (Valensiya psixoloji yardım Mərkəzi, 2011-ci ildən) psixoterapevtik komandasının üzvü.

Pedaqoji fəaliyyəti:

Valensiya Geştalt-terapiya Mərkəzinin müəllimi
Beynəlxalq səviyyədə tədris fəaliyyəti ilə məşğuldur
Geştalt-terapiya sahəsində mütəxəssislərin hazırlanmasında iştirak edir.

Sosial sahədə iş:

Gender zorakılığının qurbanı olan yetkinlik yaşına çatmayan qızlara yardım proqramının psixoloqu (Valensiya bələdiyyəsi, 2012-2018)
Sosial risk qrupuna daxil olan yetkinlik yaşına çatmayanlarla iş aparan QHT-lərlə əməkdaşlıq edir
Sosial- tədris işi (1998- 2001)

Peşəkar ixtisaslaşma:

Lisenziyalı psixoloq – Valensiya Universiteti, 1998
Geştalt-terapevt – Valensiyanın Geştalt-terapiya Mərkəzi, 2002
MSG təlimi (geştalt-bədən həssaslığı), 1999
Seks-terapevt
Asılılıqlarla iş üzrə mütəxəssis – Atamenvi mərkəzi (Fransa), 2012
Təlimçi hazırlığı – Valensiyanın Geştalt-terapiya Mərkəzi, 2018
Aktyorluq və ifadə texnikalarının (klounada) tədrisi
2019-cu ildən AEGT-nin (İspaniya geştalt-terapiya assosiasiyasının) həqiqi üzvü

Peşəkar fəlsəfəsi

Şəxsi və peşəkar kimliyini müəyyənləşdirən gender perspektivini həm iş, həm də peşəkar baxış bucağına inteqrasiya etməyə çalışır. Kliyentlərin müalicəsi və şəxsi inkişafı üçün terapevtik praktikada cismani, emosional və performativ elementləri birləşdirərək terapiya prosesində unikal yaradıcı yanaşma tətbiq edir.

Juan García de Rueda

Xuan Qarsiya de Rueda

<- Geri

Müəllim haqqında

Psixoloq (2008), funksional müxtəliflik və geştalt-terapiya üzrə mütəxəssis

Valensiya Universiteti, psixologiya fakültəsi – 2008
Valensiyada Geştalt-terapiya mərkəzində universitet təcrübəsi
Geştalt yanaşma üzrə tam təlim
Əlilliyi olan insanlarla peşəkar psixoloji iş
İnsan alveri qurbanları ilə psixoloji iş
“Espai Capacita” Terapiya Mərkəzinin (Valensiya) həmtəsisçisi - 2011
“Espai Capacita”da geştalt-terapevt fəaliyyəti
Uşaq və yeniyetmələrlə iş üzrə geştalt yanaşmaya əsaslanan ixtisaslaşmış təlim
Kineziologiya təlimi (davam edir)

Peşə təcrübəsi

Mariya Qranero Dulse 2008-ci ildə Valensiya Universitetinin Psixologiya fakültəsini bitirib. Universitet təcrübəsini Valensiyadakı Geştalt-terapiya Mərkəzində Çimo Tarreqanın rəhbərliyi altında keçib və bundan sonra peşəkar təhsilini bu sahədə davam etdirməyə qərar verib. Geştalt terapiya onun terapevt olmaq istəyinə məna qataraq insanlara dəstək olmağın bir yoluna çevrilib. O peşə yolunda daim öyrənir və bacarıqlarını təkmilləşdirir. Zaman keçdikcə Mariyanın peşəkar maraq dairəsinə kineziologiya təhsili də əlavə olunub və hazırda o, bu sahədə təhsilini davam etdirir.

Peşəkar fəlsəfəsi

Yeniliyə olan maraq və ona açıqlıq özünü peşəkar fəaliyyətdən kənarda da büruzə verir. Son illərdə mənəvi müstəvi, dünya haqqında sualların və insanın mahiyyətinə olan marağın təbii davamı kimi onun həyatında daha böyük əhəmiyyət kəsb etməyə başlayıb. Hazırda bu komandada və məktəbdə yeni rolda iştirak etmək onun üçün böyük maraq, bağlılıq və gələcək inkişaf imkanları ilə dolu peşəkar bir çağırışdır.

María Granero Dulce

Mariya Qranero Dulse

<- Geri

Müəllim haqqında

Lisenziyalı psixoloq (1997) və IFGT proqramı əsasında geştalt-psixoterapevt (2010). Psixologiya fakültəsini bitirdikdən sonra psixologiyanın müxtəlif istiqamətlərini tədqiq etməyə başlayıb.
Psixoanaliz, seksologiya və psixodrama metodlarının öyrənilməsi fəaliyyətinə yön verib. Lakin peşəkar axtarışlarını davam etdirərək geştalt-terapiya və sahə nəzəriyyəsini mənimsəməyə başlayıb.
Geştalt-terapiya vasitəsilə peşəsini icra etmək və şəxsi həyatını dərk etmək yolunu tapıb

Peşə təcrübəsi

Ümumsəhiyyə psixoloqu və Terapiados Valencia (Tibb mərkəzi № 19134) mərkəzində geştalt-psixoterapevt
San Marcelino Məşğulluq Mə rkəzində əqli pozuntulu insanlarlar iş (2003-cü ildən 2013-cü ilə qədər)
Ailə mühitindən məhrum olan uşaqlar üçün yaradılmış “NUEVO FUTURO” Ailə Evləri Assosiasiyasında 6-17 yaşlı uşaq və yeniyetmələrlə iş (1997-1999)

Sosial sahədə fəaliyyət:

«Quina és la diferència» assosiasiyası üçün “Psixi pozuntulu insanlar üçün yay məktəbi”nin koordinasiyası (2002)
ASPRONA assosiasiyasında əqli pozuntulu insanlar üçün yay məktəbləri

Pedaqoji fəaliyyət: “Şəxsiyyət kafedrası”nın Praktikumunun proqram tərtibi və hazırlanmasında iştirak.

Peşəkar ixtisaslaşma:

Psixologiya üzrə Lisenziya, Valensiya Universiteti, 1997-ci il buraxılışı

Geştalt-psixoterapevt, Fransız Geştalt Terapiya Universiteti (İFGT), 2010

CV-06795 qeydiyyat nömrəli ümumsəhiyyə psixoloqu

2021-ci ilin may ayından AEGT-nin həqiqi üzvü (İspan Geştalt-Terapiya Assosiasiyası)

Psixologiya sahəsində Avropa səviyyəli kvalifikasiya (Europsy)

“Şəxsiyyət kafedrası”nda klinik psixoloq və seksologiya kabinetində peşəyəqədərki təcrübə (1997)

Madriddə Kastilya meydanı məhkəmələrinin Məhkəmə-tibbi klinikasının məhkəmə psixologiyası şöbəsində qanunpozanlar və qurbanlara diaqnoz və yardım üzrə peşəyəqədərki təcrübə (1996)

Peşəkar fəlsəfəsi

Psixologiya fakültəsini bitirdikdən sonra dünyagörüşümlə səsləşən psixoterapevtik istiqaməti tapmaq üçün müxtəlif yanaşmaları öyrənməyə başladım. Hər bir insanın unikallığına hörmət edən və şəxsiyyətin fərdiliyini nəzərə alan iş formasını tapmaq prinsipial əhəmiyyət daşıyırdı. İnsanlara olan daimi və dərin professional maraq insanlarla və dünya ilə təmasda olmağın bir növü kimi geştalt-terapiyaya gətirdi. Bu yanaşma yalnız peşəkar seçim deyil, öz həyatımı dərketmə üsuluna çevrildi.

Cristina De la Cuadra Aracil

Kristina De la Kuadra Arasil

<- Geri

Müəllim haqqında

Ümumsəhiyyə psixoloqu və geştalt-psixoterapevt
Valensiyada Terapiados mərkəzində işləyərək fərdi və cütlük terapiyasını həyata keçirir.

Peşə təcrübəsinin unikal birliyi: informatika üzrə elmi dərəcə (PhD.), Valensiya Politexnik Universitetinin keçmiş professoru (23 illik pedaqoji faəliyyət), peşəkar musiqiçi (pianoçu və vokalist), beynəlxalq səviyyəli geştalt-terapevt.

Ruella Frank ilə birgə Developmental Somatic Psychotherapy (Bədən vasitəsilə inkişaf psixoterapiyası) proqramının həmtəsisçisidir. AETG-nin supervayzeridir. Avropa Geştalt-terapiya Assosiasiyasının (EAGT) həqiqi üzvüdür, assosiasiyanın vitse-prezientidir. Nyu-York geştalt-terapiya İnstitutunun assosiativ üzvüdür.

Peşə təcrübəsi

Klinik sahədə:

Valensiya, Terapiados Mərkəzinin geştalt-psixoterapevti
Fərdi terapiya
Cütlük terapiyası
Səs və ifadə üzrə ixtisaslaşma

Pedaqoji təcrübə:

Geştalt-terapiyanın beynəlxalq tədrisi
Ruella Frank ilə Bədən vasitəsilə İnkişaf Psixoterapiyası proqramının metodoloqu
Valensiya Geştalt-terapiya Mərkəzinin təlimçilər qrupunun üzvü

Əlavə Karyera:

İnformatika üzrə üzrə fəlsəfə doktoru
Valensiya Politexnik Universitetində professor (23 illik pedaqoji təcrübə)
Peşəkar pianoçu
Musiqi təcrübəsinin terapiyaya inteqrasiyası

Peşəkar ixtisaslaşma:

Psixologiya üzrə lisenziya, 2010

Geştalt-psixoterapevti, 2010

Bədən vasitəsilə İnkişaf Psixoterapiyasının təsisçisi, 2016

AETG-nin (İspan Geştalt-Terapiya Assosiasiyası) supervayzeri

Avropa Geştalt-Terapiya Assosiasiyasının (EAGT) həqiqi üzvü

Avropa Geştalt-Terapiya Assosiasiyasının vitse-prezidenti (hazırda)

Nyu-York Geştalt-Terapiya İnstitutunun assosiativ üzvü

İnformatika üzrə fəlsəfə doktoru

Professional musiqi təhsili (fortepiano, vokal)

Peşəkar fəlsəfəsi

David fərqli səriştələrin unikal vəhdətini təmsil edir: elmi təfəkkür, yaradıcı özünüifadə və psixoterapevtik ustalıq (geştalt-terapiya). Səs və ifadə ilə işləmək xüsusi maraq kəsb edir. Elmi, yaradıcı və terapevtik təcrübənin unikal vəhdəti ona işləmək üçün çoxölçülü yanaşma yaratmağa imkan verir, burada məntiq, yaradıcılıq və bədən qarşılıqlı təsir göstərir.

David Picó Vila

David Piko Villa

<- Geri

Müəllim haqqında

20 ildən çox təcrübəsi olan klinik psixoloq, geştalt-terapevt və təlimçi. Sərhəd şəxsiyyət pozuntusu ilə iş üzrə mütəxəssis.

Psixoanaliz və tranzakt analiz sahələri üzrə təhsil alması ona həm terapevtik praktikasında, həm də tədris fəaliyyətində müxtəlif yanaşmaları uğurla inteqrasiya etməyə imkan verir.

Peşə təcrübəsi

Klinik sahədə:

Klinik psixoloq
Geştalt-terapevt
Sərhədi şəxsiyyət pozuntusu ilə iş üzrə ixtisaslaşma

Pedaqoji fəaliyyət:

Geştalt-terapiya üzrə təlimçi (20 ildən çox)
Valensiyada “Geştalt-terapiya mərkəzinin” dəvət olunmuş təlimçisi
İxtisaslaşmış seminar və master-klasların keçirilməsi

Ruben Miro

<- Geri

Müəllim haqqında

Geştalt- terapevt, IFGT-nin (Fransa Geştalt-Terapiya İnstitutunun) beynəlxalq səviyyəli treneri və supervayzeri. Psixomotorika üzrə mütəxəssis.

2011-2021-ci illərdə IFGT-nin direktoru. Bədən vasitəsilə özünüifadə texnikaları üzrə təlim keçib. Geştalt-terapiyanın uşaqlar və yeniyetmələrlə işdə tətbiqi üzrə mütəxəssis və tədqiqatçı.

Peşə təcrübəsi

Klinik sahədə: